Кечышот. 12 декабрь (теле)

Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Пайрем да шарнымаш кече

  • Калык-влак кокласе нейтралитет кече
  • Казахстан — Таможенный органыште тыршыше-влакын кечышт.
  • Кений — Эрык кече.
  • Россий — Конституций кече
  • Туркмений — Нейтралитет кече
  • Украина — Сухопутный войскан кечыже

Событий

  • 1817 ий — Моско олаште Манежым почмо.
  • 1875 ий — изобретатель Павел Яблочков дуговой лампочкым ыштен.
  • 1901 ий — Кугу Британийыште ÿстембал теннис ассоциацийым почыныт.
  • 1979 ий — КПСС ЦК-ан политбюрожо Афганистаныш совет войскам пуртымо нерген кÿштыкым пеҥгыдемден.

Шочыныт

  • 1920 ий — Ярыгинын Андрей Фёдорович (1920-1983), мари-влак кокла гыч икымше философ. Философий шанче кандидат.
  • 1952 ий — Ахметгараев Шаукат Габдулхакович, cкульптор, сӱретче. «Комсомольцам огненных лет» да Ольга Тихомировалан чапкӱ-влакым лач тудын проектше почеш шогалтеныт. Тидын деч посна марий кундемнан шуко кумдан палыме еҥ-влакын портретыштым сӱретлен. Тудын ончерже Москошто, Ленинградыште да моло олалаштат эртеныт.
  • 1954 ий — Захаров Вениамин Александрович, семмастар да тӱвыра пашаеҥ, Марий Эл Республикысе сымыктышын сулло пашаеҥже палемда. Йошкар-Оласе Палантай лӱмеш музык училищыште тунем лекмек, уш–акылжым Озаҥ оласе кугыжаныш консерваторийыште пойдарен. Паша корныжо музык училищыште тӱҥалын, вара руш драмтеатрыште шуйнен. 1987-ше ий гыч республикысе курчак театрын музык ужашыжым вуйлаташ тӱҥалын. «Савик», «Эх, илышет, шеремет», «Окса мешак», «Дюймовочка», «Зеленый великан» спектакль–влаклан семым возен. Тыгак тудо ятыр эстрада мурын авторжо, «Чонем — ялыште», «Таҥем, таҥем» да «Ош куэр» сборник–влакым чумырен.
  • 1961 ий — Мишина Надежда Алексеевна, Провой кундем Какшамар тӱвыра пӧрт пеленсе «Ӱшанлык» калык фолькор ансамбльын вуйлатышыже. Надежда Алексеевна тӱвыра да сымыктыш колледжым тунемын пытарен, тылечын вара эреак тӱвыра аланыште тырша. Йоча ансамбль-влакымат виктара, тудын тунемшыже-влак консерваторийыштат тунемыт, Марий Эл кушыжаныш куштышо ансамбльыште куштат.

Калык пале

  • Парамонын кечыже.
  • Тиде кечын декабрь мучаш марте могай игече шогымым мужедыныт. Кече онча гын, игече ояр лиеш; поран лÿшка гын, декабрь мучко мардежан да луман игечым вучыман.
Кидшер
Шонымашым ешараш