Кечышот. 11 август (сорла)

Мо дене тиде кече шарнымашеш кодын? Могай лӱмлӧ еҥ шке шочмо кечыжым палемда? Тидын нерген «Кидшер» интернет-журналын материалыштыже.

Событий-влак

  • 1959 ий — Москошто «Шереметьево» аэропортым почыныт.
  • 1973 ий — «Семнадцать мгновений весны» кинофильмым ончкташ тӱҥалыныт.

Шочыныт

  • 1943 ий — Зосим Петрович Мартьянов, журналист да спорт энтузиаст. Спорт мастер кандидат.
  • 1952 ий — Владимир Ильич Ястребов, футболист.
  • 1954 ий — Альбертина Петровна Иванова, марий серызе, почеламутчо, кусарыше, СССР Серызе-влак ушемын йыжъеҥже, Марий Эл Республикысе сымыктышын сулло пашаеҥже, Олык Ипай лӱмеш Марий комсомол премийын лауреатше.
  • 1961 ий — Людмила Яковлевна Осинкина, Провой кундемысе Краснояр школын директорын алмаштышыже. Тӱҥ образованийын почётан пашаеҥже.

Калык пале:

  • Поланын пайремже. Чынак, ожно тиде кечын полан гыч тӱрлӧ йӱышым ямдыленыт. Когыльымат кӱэштыныт. Тыгак эрден эрак игечым эскереныт: калык ой почеш ты кечын шыже шкеж нерген путырак шижтара.
Кидшер
Шонымашым ешараш