Кечышот. 5 ноябрь (кылме)

Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Пайрем да шарнымаш кече

  • Пӧръеҥ-влакын тӱнямбал кече.
  • Сарзе разведчикын кечыже.

Событий

  • 1973 ий — Йошкар-Олаште Воин чап мемориал комплексым почмо.
  • 1999 ий — Йошкар-Олаште калык сымыктыш тоштерым почмо.
  • 1845 ий — Марий Тӱрек кундемысе Косолоп школым почмо.
  • 1995 ий — У Роҥго кундемысе Иванов лӱмеш краевед тоштерым почмо.

Шочыныт

  • 1917 ий — Кузьма Алексеевич Смирнов, семлызе, фольклорист.
  • 1927 ий — Надежда Алексеевна Пасякина, тазалык аралтыш пашаеҥ.
  • 1936 ий — Леонид Логинович Яндаков (Леонид Яндак), серызе, журналист, кусарыше, туныктышо, комсомол пашаеҥ, радиожурналист, газет редакций пашаеҥ.

Калык пале:

  • Яковын кечыже. Тиде кечын ожно муйым кочкыныт. Тыгак оҥай модышым эртареныт: пырля погынымо годым мукш семын ызгеныт. Тидын дене вес ий муй лектыш сай лиеш, манын ушаненыт.
Кидшер
Шонымашым ешараш