Кечышот. 24 вӱдшор (апрель)

Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Вуйлымаш

Самырык-влакын икоян улмо тӱнямбал кечыже
1671 ий — Кугыжасе воевода-влак Степан Разиным кученыт.
1833 ий — Америкыште газироватлыме вÿдым ыштен лукмылан патентым налме.
1916 ий — Дублин олаште ирландец-влак англичан-шамыч ваштареш восстанийым тарватеныт.

1886 ий — Иван Степанович Ключников-Палантай, марий композитор.
1907 ий — Родион Артемьевич Охотин, Кугу Авамланде сарын талешкыже.
1939 ий — Андрей Андрианович Андрианов, марий мурызо, артист.
1944 ий — Мария Илдушкина (Мария Алексеевна Смирнова), курыкмарий серызе, почеламутчо, туныктышо.
1948 ий — Николай Михайлович Скулкин, шанчыеҥ.
1952 ий — Зоя Михайловна Скульдицкая, администраций вуйлатыше.
1958 ий — Любовь Семёновна Борисова, журналист.
1977 ий — Эльвира Ивановна Пекшеева, марий йылмызе, шанчызе, туныктышо.

Шнуй Антипын кечыже. Тудын деч кресаньык-влак пÿй корштымым чараш йодыныт. Ты кечын пÿй корштымо верыш ший оксам пыштеныт, а вара тудым Антипын юмоҥа ончылан пыштеныт: тыге чыла чер кораҥеш манын ÿшаненыт.
Марий-влак ожнысек пÿртÿс вий полшымо дене эмлалтыныт. Мутлан, эҥер, ер, памаш дек миен Вÿд ава деч уш-акыл, шÿм-чон яндарлыкым да тазалыкым йодыныт: вÿд дене кум гана чурийым шӱялтен, «шонымем шужо» манын пелештеныт. Чипамаш дек мийыме годым гын, вÿдшым кум гана подылын тауштеныт.