Кечышот. 30 вӱдшор (апрель)

Таче вӱдшор тылзын 30-шо кечыже. Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Событий:

• Пожар ваштареш кучедалше службын кечыже.
• 1789 ий — Америкын икымше президентшын инаугурацийже эртен. Тунам президент сомылым Джордж Вашингтон шукташ тӱҥалын.
• 1918 ий — «Ленфильм» киностудийым почмо.
• 1944 ий — Медведево райгазетын икымше номерже лектын. Тудо «Родина верч» маналтын.
• 1945 ий — Берлинысе Рейхстаг ӱмбалне Сеҥымаш знамя лойгалтын.

Шочыныт:

• 1934 ий — Зоя Васильевна Младшова, агроном.
• 1955 ий — Елизавета Марченкова (Елизавета Владимировна Марченкова), марий серызе, почеламутчо, туныктышо.
• 1958 ий — Александр Яковлевич Гайсин, амалкалче.
• 1975 ий — Елена Петровна Афанасьева, тӱвыра пашаеҥ.
• 1980 ий — Валентина Анатольевна Тойшева, журналист.
• ? ий — Аксар Эльтемеров, марий мурызо.

Калык пале:

• Марий калык гын мÿкшым «Юмын икшыве» манын, сандене мӱкш пуштмашым кугу сулыклан шотлен. Эсогыл мӱкшым лукмо да ончымо годымат ару ош вургемым чийыман улмаш. Мӱкшым лукмо годым тыгай йӱлам шуктеныт: омартам шикш дене эрыктеныт – тыге чыла осал вийым поктеныт, Мӱкш Юмылан пелештеныт.