Месяц: Март 2016

«Мый мурым возынем! Пиал нерген!» — возен самырык поэтесса, Йошкар-Оласе 7-ше номеран кыдалаш школын марий йылмым туныктышыжо Ирина Закиева (шукынжо тудым Ирина Курочкина семын палат) шке почеламутыштыжо.

Республикыштына ятыр самодеятельный ансамбль-влак уло. Тӱҥ шотышто ансамбльыш кугурак да илалшырак еҥ-влакым чумырат. Палемден кодыман, Марий кугыжаныш университет пелен «Марий мурсем» студент ансамбль пашам ышта.