Марий калыкын XI-ше погыныштыжо эскерыше-влак огыт лий. Тыгай пунчалым Мер Каҥашын пленумжо пеҥгыдемден.
«Наблюдатель-влак деч йӧршеш кораҥаш», — возым пленумын протоколыштыжо.
Погынын эскерышыже-влак делегат семынак чыла мероприятийыш ушнен кертыт, но иктаж-могай йодышлан йӱклаштлан правашт уке.
Теме дене чумыр материалым «Марий калык погын» сюжетыште лудса.
Марий калык погын ныл ийлан ик гана чумырга. Тушко кажне кок тӱжем марий деч ик делегат сайлалтеш. Погынын исполнительный органже — Мер каҥаш. Погынышто кызытсе финн-угор тӱнян пӱсын шогышо йодышыжо-влак каҥашат, Мер каҥашын вуйлатышыжым сайлат.