Самырык-влакын пашашт шотышто федерал агентстве Самырык-влакын проектыштын Россий кӱкшытан конкурсышто сеҥыше-шамычын лӱмыштым увертарен. Нунын коклаште Марий Эл гычат участник-влак улыт.
Марий Эл 4 проектым ончыктен. Тушечын кумытшо сеҥыше радамыш логалын. Тиде — Илья Белов «Олан чияже-влак» стрит-арт школ» проектше дене 600 тӱжем теҥгем налеш. Анастасия Казанкина «ЗОЖ-заряди организм жизнью» проектшылан 430 тӱжем теҥге дене палемдалтын. Анастасия Васильеван «ЛЕС — регион-влак кокласе иллюстраций фестиваль» проектше 200 теҥгелан аклалтын.
Чылаже 85 кундем гыч 8 тӱжем утла йодмаш пурен. Конкурсын эксперт комиссийже 14 гыч 30 ияш марте самырык-влакын 820 тӱналтышыштым сайлан шотлен.