«Лӱдыкшыдымӧ да чапле автомобиль корно» калыкле проектым шыҥдарымаш республикысе районлаште уло куатын кая. Корным чоҥышо-влак Морко районышто Морко-Унчо трассын ужашыжым олмыктат.
Корнын калыклан йӧнан улмыжо гына огыл тӱҥ, тудо эше финн-угор тӱнян тӱвыра рӱдыверышкыже — Унчышко наҥгая. Чоҥышо- влак чолган тыршат. Сентябрь марте корно чапле лийшаш. Тений 12 меҥге кужытым нормыш кондышаш улыт. Вес ийлан тыгак Провой-Шолеҥер-Морко, Морко-Руш Кугунур, Ургаш-Роҥго-Морко, Памар-Коркатово корнылам, Изи Шӱргӧ, Марий Кужер, Кӱчык памаш велышкыла корно ужашыштепашам ышташ тӱҥалыт.
Республикым тичмаш ончалаш гын, тений корно дене кылдалтше калыкле проектым шыҥдараш республикын казнаж гыч 4 миллиард 200 утла миллион теҥге окса ойыралтеш.