Андрей Эшпайлан памятникым Йошкар-Оласе Амстердам эҥерӱмбалне вераҥдаш темлат

Марий Элын калык артистше Вячеслав Созонов семмастар Андрей Эшпайлан памятникым Йошкар-Оласе Амстердам эҥерӱмбалне вераҥдаш темла. Тидын нерген «Марий Эл» газет воза.

«Андрей Яковлевичлан памятникым Амстердам эҥерӱмбалне вераҥдаш да тиде кумдыкым Эшпай лӱм дене лӱмдаш, а Рембрандт олмеш Андрей Эшпайын памятникшым шогалташ темлем. Андрей Яковлевич марий тӱвыраште, искусствышто эн кугу верым налеш, вет тудо — СССР-ын калык артистше. Тиде верыштак Усталык ушем-влакын пӧртышт верланен, тораштак огыл Яков Эшпай лӱмеш Марий кугыжаныш филармонийын у полатше чоҥалтеш. Садлан Эшпайлан памятникым тушко шогалташ вер лач келшен толеш. Адакшым республикнан рӱдолашкыже толшо турист-шамычат эреак Какшан сер воктене коштыт да памятник шотышто умылтараш куштылго лиеш Весе. Эшпайын возымо мурыштыжо тыгай корно-влак улыт:
«Йошкар-Ола, я вижу вновь
Над весенней Кокшагой мосты…
Памятникым тушко шогалтат гын, шола велыш ончалмеке, ик кӱвырым ужаш лиеш, а пурлаште – кокытым. А Рембрандтым вес верыш кораҥдаш лиеш.
Андрей Эшпай Юл эҥер воктене шочын, сандене памятникшым вӱд воктеке вераҥдыме лачеш толеш», палемда палыме мурызо.

Кидшер
Шонымашым ешараш