«Тазалыкаралтыш» калыкле проект радамыште, Марий Элышкына реанимаций полыш автомашина-влакым конденыт. Тидыже «Вашке полыш» станцийын автопаркшым уэмдаш кугу полыш лийын.
Тачысе илышлан келшыше, 12 у автомашине. Тыгай автомашина-влакым Ford Transit автомобиль негызеш погымо, йӧнан улмыжым шотыш налын, C класс дене аклалтеш. Тазалыклан лӱдыкшӧ лийме жапыште тыгай автомашинаште вашке полышым пуаш кӱлеш медицине оборудованийым йӧнештарыме. Пациентын илышыжлан лӱдыкшӧ лийме жапыште врач-реаниматологат жапыштыже кӱлеш да чын полышым пуэн кертеш.
Машина-влакым налаш 57 миллион теҥге ойыралтын. Лишыл жапыште Марий Элыш эше 5 ГАЗ автомашина толшаш.