Кок тӱжем латвизымше ийым Российыште Литератур идалык семын увертарыме. Элыштына сылнымут темылан ятыр мероприятийым, конкурсым, акцийым эртараш палемдыме.
«Кидшер» интернет-журналат шеҥгелан огеш код. Интернет журнална «Сылнымут мундыра» самырык возышо поэт, писатель, журналист-влаклан литератур конкурс нерген увертара.
Шке вийдам тыгай номинацийлаште терген кертыда: эн сай поэзий; эн сай проза; эн сай журналист паша (интервью, репортаж, очерк);
Творческий паша-влакым 15-ше февраль гыч тӱҥалын 15 ноябрь марте info@kidsher.ru электрон почто дене вучена.
Паша-влакым мемнан деке тӱрло йӧн дене колтен кертыда. Иктешлымашым 10 декабрьыште 2015 ийыште ыштена. Эн сай (грамматике да орфографий шот дене) паша-влакым пӧлек-влак вучат. Ушныза конкурсышко але спонсор радамышке! А конкурсышко паша дене пырля йодмашым колташ кӱлеш.
- Фамилий, лӱм, ачалӱм
- Шочмо кече
- Илыме вер
- Паша вер (кушто да кӧлан)
- Телефон
- Эл. почто
Шкелык данный шотышто чыла правадам тӱрыснек аралена!
Йодыш але иктаж могай умлыдымаш лектеш гын, те мемнан дене вашкылым тыште ыштен кертыда!
Ушныза участник, жюри але спонсор радамышке!
«Кидшер» интернет-журналын коллективше