Марий Элым вуйлатыше Юрий Зайцев районласе тӱвыра пӧлкам вуйлатыше-влаклан автоклуб деч сравочым кучктен. Куд муниципал образованийысе калыкын илышышт поянрак, оҥайрак да веселарак лиеш.
Ынде кеч-могай тӱвыра мероприятийым эсогыл эн изи ялыштат эртараш лиеш. Тений автоклубым Курык марий, Звенигово, Марий Турек, Морко, У Торъял да Шернур район-влак налыныт.
«Автоклуб-кӱлешан да пайдале улеш. А ме яллам вияҥдаш да стационар клублам чоҥаш тыршена», — каласен республикым вуйлатыше.
Юрий Зайцев автомобиль-влакым ончен лектын. Нуныжо кызытсе жаплан келшыше йӱк, волгалтарыме, проекций оборудований дене пойдарыме улыт, писын гына концерт площадкыш савырнен кертыт.
«Марий Эл» кугыжаныш телерадио компаний