Марий Элыш школ автобус-влакын черетан партийыштым кондымо. Общеобразовательный организацийлам вуйлатыше-шамыч деч сравочым республик правительстве председательын икымше алмаштышыже Михаил Васютин кучыктен. Тудо палемден: школ автопарк-влакым уэмдыме паша – Марий Эл правительстве ончылно ик эн тӱҥ задаче.
Таче кечылан республикыштына 126 школышто чумыр налмаште шым тӱжем утла тунемшым 210 автобус шупшыкта. 378 маршрут чылаже 650 утла ялым селам да олам авалта.
Элын президентшын Федеральный Собранийлан посланийже (2021 ий 21 апрельысе 1695-р №-ан) дене келшышын, 2021-2024 ийлаште школ автобус-влак парк уэмдыме шотышто задачым шындыме.Тыге 2016 гыч 2022 ий марте республикын федеральный бюджетже кӱшеш школ-шамычлан чылаже 259 автотранспортым пуымо: 2016 ий – 13; 2017 ий – 27, 2018 ий – 40; 2019 ий – 41; 2020 ий – 30; 2021 ий – 77; 2022 ий – 31.
Россий Федераций правительствын кӱштыкшӧ почеш, Марий Эллан 17 школ автобусым ойырымо. Тыге Волжск ден Йошкар-Олаште, Волжский, Килемар, Кужэҥер, Морко, У Торъял, Оршанке, Параньга, Советский районласе икмыняр общеобразовательынй организацийын, Бауман лицейын автотранспортыш уэмдалтын. Автобус-шамыч кӱлеш оборудованиян улыт.
2024 ий январь гыч республикыште эше кум у маршрут дене 60 йочам шупшыкташ тӱҥалыт.
«Марий Эл» газет