Марий Элыште самырык-влак дене пашам шот дене ыштат

Россий Федерацийыште 2022 ийыште молодёжь политикым илышыш пуртымо шотышто иктешлымашым ыштыме. Тудын почеш Марий Эл 2-шо верыш лектын.

Кажне ийын Самырык-влакын пашашт шотышто федерал агентстве элнан субъектлаштыже молодёжь политикым илышыш шыҥдарыме шотышто мониторингым эртара, тыгодым 65 показательым ончат. Марий Элын тыгай лектышыш тиде напрвлений дене республик правительствын тыршен пашам ыштымыжлан кӧра шуын. Мутлан, регионым вуйлатыше Юрий Зайцевын кӱштымашыже почеш, самырык учёный, шымлызе да инноватор-влаклан, тыгак самырык-влаклан вияҥашышт кумдыкым почаш Марий Элым вуйлатышын грантшым ыштыме. Тидын деч посна тӱвыра, шанче областьлаште да мер пашаште кугыжаныш премийын кугытшым да чотшым кугемдыме.

2022 ий мучко республикына гыч шӱдӧ дене самырык еҥ-влак Россий, округ кӱкшытан молодёжь форумлаште, фестивальлаште, грант конкурслаште чолгалыкым ончыктеныт. Марий Эл конкурсышто сеҥышыш лектын да кундемыштына молодёжь политикым вияҥдаш 124,7 миллион теҥге кугытан субсидий дене палемдалтын. Добровольчестве ушем, военно-патриотический клуб да юнарейский отряд-влакын чотыштым шотыш налаш гын, регион Российыште лидерлан шотлалтеш.

«Марий Эл» газет

Кидшер
Шонымашым ешараш