Оренбургышто Россий Федерацийын кугыжаныш калыкле политике стратегийжым Юл кундем округышто шыҥдарымым каҥашеныт. Вашлиймашым Россий Президентын администрацийжым вуйлатышын алмаштышыже Магомедсалам Магомедов ден Юл кундем округышто пономочный представитель Игорь Комаров эртареныт.
«2025-ше ий марте Россий федерацйын кугыжаныш калыкле политике стратегийым шыҥдарыме шотышто Марий Элысе исполнитеьный кучем органын практике ден задачыже нерген» докладым Марий Эл Правительстве председательын икымше алмаштышыже Михаил Васютин ыштен. Тудо палемден: республикыште калык кокласе кыл шотышто ласка шӱлыш озалана. Регионышто калыкле политике аланыште норматив да право базым ыштымаш шукталт толеш,- каласен Васютин.
Президент администрацийым вуйлатышын алмаштышыже Магомедсалам Магомедов палемден: лӱмын эратрыме сар операций кугыжаныш калыкле политике дене кылдалт шогышо икмыняр задачым пӱсештарен. Семинар-совещанийыште россий калыкын икоян улмыжым умбакыже пеҥгыдемдаш, миграций кумдыкышто конфликт лийын кертмым шагалемдымаш, этнокультура да йылме поянлыкым арален кодымо йодыш- влакым тарватыме.
«Марий Эл» кугыжаныш теле да радио компаний