Татарстаныште марий Семык пайремыш кум тӱжем утла уна толшаш. Тыгак пайрем мероприятийлаште Марий Элым вуйлатыше Юрий Зайцев ден Татарстаным вуйлатыше Рустам Миннихановым вучат.
«Семык» марий тӱвыра фестиваль кумшо июньышто Татарстанысе Агрыз район Пелемеш ялыште лиеш. Уна-влакым пайрем пучымыш да моло калыкле сий дене сийлат, кудо- влак дене палымым ыштат. Тиде кечынак ӱдыр-влакын «Чевер марий ӱдыр» моторлык да талант конкурсышт, рвезе-влакын «Марий патыр» пӧръеҥ вий да куат конкурсышт лиеш. Пайремым чынже денак «Марий Эл» Кугыжаныш куштышо ансамбль сӧрастара.
Семык — марий калыкын кеҥеж тӱҥалмылан пӧлеклалтше пайремже, кеҥежымсе пайрем календарьым почеш. Пайремын тӱҥ шонымашыже — тоштыеҥ-влакым уштымаш да озанлык паша ден сурт коклаште нуын деч йӧным ыштен шогаш йодмаш.
«Марий Эл» кугыжаныш теле да радио компаний