«Финн-угор калыкын поянлыкше» студент форум Йошкар-Олаште эрта

Республикыштына «Финн-угор калыкын поянлыкше» Тӱнямбал кӱкшытан 10-шо финн-угор студент форум эрта. Тудым эртарыме площадкыже тиде кечынак почылтшо Калык-влакын келшымаш пӧртышт лийын.

Участник, организатор да уна-влакым Республикым вуйлатыше Юрий Зайцев саламлен. Тудо палемден: лу ий жапыште форум кок тӱжем утла самырык еҥым ушен, тудын программыжым Российын 30 утла да тӱнян лу утла кугыжанышын еҥже-влак ончыктеныт. Юрий Зайцев форумын Келшымаш пӧртыштӧ эртымыжым символ шотан манын аклен.

X форум университет-влак коклаште шанче да туныктымо шотышто вашкылым кумдаҥдаш, студент-влакын шанче да шымлыме, усталык да мер кӱлешан  пашаштым писештараш полша.

«Марий Эл» кугыжаныш теле да радио компаний

Кидшер
Шонымашым ешараш