Йошкар-Олаште Марий самырык театрым пужен ыштыме паша тӱналын. 2024-ше ий мучаш марте театрын зданийжым пӱтынек уэмден шуктышаш улыт. Тӱрыс паша «Тӱвыра» калыкле проект кышкарыште шукталтеш.
Тений да вес ийлан 593 миллион теҥгем ойырымо, тушечын 275 миллионжо тенияк пура. Проект да смета документацийым корректироватлыме, кугыжаныш экспертизын сай заключенийжым налме. Кок ийыште зданийын фасадшым ик стиль дене сӧрастарат: йошкар кермыч да ужар тӱсан леведыш лиеш, конструкцийыште ситыдымашым кораҥдат, леведышым олмыктат.
Ончычсо курчак театрым 1989-ше ийыште чоҥымо. Кызыт тудо лунчыргаш тӱҥалын- зданийын конструкцийже пужлен, тӱжвал кермыч пырдыжыште шелше лектын, тӱвыраш гыч вӱд шыҥа, фасадын штукатуркыжо йога.