Йошкар-Олан уэмдыме «Йоча тӱн книгагудым» у тунемме ий тӱҥалтышлан почаш шонат. Мэр Евшений Маслов Интернационалист-воин-влак уремыште Йоча тӱҥ книгагудым олмыктымо пашан кузе кайымыжым терген лектын, палдара «Марий Эл» кугыжаныш теле да радиокомпаний.
Книгагудым «Тӱвыра» калыкле проект кышкарыште уэмдат. Паша графикым ончылтен шукталтеш. Кызыт тушто леведышым, кӱварым, пырдыжым уэмдыме, электровоштырым да моло инженер коммуникацийым вашталтыме.
Проект почеш ик ияш гыч тӱҥалын йоча-влаклан шуарыме кумдыкым, школ деч вара йоча- влакын вашлийме «Библиопродлёнкым», компьютер залым да 3Д книган виртуал книгагудым ышташ палемдыме. Тымарте тӱжем утла у йоча книгам да самырык ача-ава- влаклан литературым налме. Уэмдыме деч вара тиде йоча да ача-ава- влакын кызытсе йодмашышт дене келшен толшо увер, уш-акыл да каныме рӱдер лийшаш.