Марий Элыште илыше пагалыме еҥ-влак!
Саламлем тендам республикын официальный пайремже – Пеледыш пайрем – дене!
Тудо икымше гана Йошкар-Олаште 100 ий ончыч эртаралтын. Тидыже марий калыкын тӱвыражым, йӱлажым вияҥдымаште да аралымаште кугу да кӱлешан событий лийын.
Ты пайремым мемнан республикыште тӱрлӧ национальностян да тӱрлӧ йӱлам кучышо еҥ-влак йӧратат. Тудо шошо агам пытарымым ончыкта. Пеледыш пайремым кумдан палемдат: мурат, куштат, кочкышым ямдылат, тӱшка дене веселитлен коштыт.
Кажне ийын марий-влак Марий Элын рӱдолашкыже, исторический шочмо верышкышт, тӱрлӧ вер гыч толыт.
Шӱдӧ ий эртымекат, Пеледыш пайрем республикын илышыштыже ик эн волгыдо событий ден пашаче калыкын куанжын, келшымашыжын да икте-весе дене умылымашыжын символышт лийын кодеш.
Пеҥгыде тазалыкым, тынысле да поро илышым, чыла сомылышто сеҥымашым, пиалым да сай илышым тыланем.
Пеледыш пайрем дене!
Марий Элым Вуйлатыше Юрий Зайцев