Марий Элыште финн-угор калык-влакын йоча ден самырыкыштлан тӱнямбал лагерь почылтеш. Тудо самырыквлакым военно-патриотизм шӱлышеш шуарыме «Авангард» рӱдерыште 27-ше июль гыч 3-шо август марте пашам ышта.
Лагерьыш 12 гыч 18 ияш марте 120 утла ӱдыр-рвезе-влак погынат. Нуно фольклор ансамбльлан, калык промысел студий, йоча мер ушемлан еҥышт, самырык краевед, этнограф улыт. Тений лагерьыш Карелий, Коми, Мордовий, Татарстан, Умуртий, Пермь край, Киров да Ленинград областьла гыч толыт.
Программыште «Финн-угор- влак, ме кӧ улына?», «Устный калык творчестве», «Финн-угор калык куштымаш, модмаш-влак», «Калык семӱзгар» занянтий-влак улыт. Тений лагерьыште туризм фестиваль лиеш.