Чавайн лӱмеш калыкле книгагудышто 1808-ше ийыште савыктен лукмо «Плутарх самырык- влаклан» книгам цифран форматыш кусарыме. Француз редактор, кусарыше, писатель да савыктыше Пётр Бланшардын «Плутарх самырык-влаклан але акрет жап гыч кызытсе марте чыла калыкын чапланыше пӧръеҥже-влакын илышышт» книга икымше гана 1808-ше ийыште ош тӱням ужын.
Тушто лӱмлӧ полководец, шанчыеҥ, путешественник, первооткрыватель, политике пашаеҥ, писатель-влакын биографийыштым савыктыме. Кокымшо изданий гыч тушко лӱмлӧ россиян- влак нергенат увер пурен. Тушто Олег, Игорь, Святослав, Владимир Великий, Ярослав, Нестор, Владимир Мономах, Александр Невский, Дмитрий Донской да моло нерген лудаш лиеш. Чавайн лӱмеш книгагудын шуэн вашлиялтше книга пӧлкаштыже Пьер Бланшарын 1808-ше ийыште савыктыме «Плутарх самырык-влаклан» книгажын визымше томжо, 9-ше, 10-шо ужашыже аралалтыт.
Тиде томышто российысе да йот элысе 33 лӱмлӧ еҥ-влакын биографийышт уло. Тиде — император Пётр Великийын, князь Яков Долгоруковын, архиепископ Феофан Прокоповичын, Швецийын корольжо Карл 12-шын, Наполеон Бонопартын, Михаил Ломоносовын да молынат. Савыктышыште лӱмлӧ еҥ- влакын медальонышто ончыктымо гравюрыштым ужаш лиеш.