Йошкар-Ола воктелсе Чихайдарово ер воктене оласе калык колышо кайык-влакым муын. Вӱтеле-влакын тӱшкан колымышт калыкым тургыжландарен.
Кугыжаныш ветеринар специалист-влак верышке лектын кайыклан пробыштым налыныт да вер-шӧрым дезинфицироватленыт. Йошкар-Оласе вольыкын черже ваштареш кучедалше станцийын специалистше-влак сурткайыкым кучышо-влаклан ветеринар правилым шуктымо нерген шижтареныт.