Йошкар-Олаште «Шанчылан да Ачамландылан служитлышыла» лӱман йыргешке ӱстел лиеш. 21-ше августын Йылмым, сылнымутым да историйым научно шымлыше Валериан Васильев лӱмеш марий институтышто Александр Казимовын шочмыжлан 75 ий темме лӱмеш йыргешке ӱстел йыр мутланымаш погына.
Александр Казимов — лӱмлӧ шанчыеҥ да мер пашаеҥ, историй шанче кандидат, республикысе шанчын сулло деятельже, 2000-ше гыч 2016-шо ий марте МарНИИЯЛИ-н директоржо. Тудо 2019-ше ийыште илыш дене чеверласен. Александр Сергеевич Марий кундемын историйже, политологий, финно-угроведений теме дене 50 утла шанче пашан авторжо.