Российысе «Кино йӱд» акций 26-шо гыч 27-ше августыш йӱдым лиеш. Тений ончыкташлан 2023-шо ийыште ыштыме российысе кум фильмым палемдыме.
«Кино йӱд» акций элна мучко 26-шо гыч 27-ше августыш шымше гана эртаралтеш. Тудо йӱла почеш кинематографист да кинематографым йӧратыше- влакын профессионал пайремышт водын Кино фонд дене пырля эртаралтеш,- каласен Российын тӱвыра министрже Ольга Любимова.
Тений кум кином: Дмитрий Дьяченкон «Чебурашка», Клим Шипенкон «Вызов» да Сергей Урсулякын «Праведник» фильмышт ончыкталтыт. Министрын мутшо почеш, кинотеатр, тоштер, филармоний- влак поян программым ямдылат. Тушто мастар-класс, лекций, экскурсий, концерт, актёр- влак дене вашлиймаш- шамыч лийыт.