Россий журналист-влак ушемын марий пӧлкажын у вуйлатышыжым организацийын отчёт да сайлымаш конференцийыште ойырымо. Тудым вуйлаташ «Марий Эл» газетын тӱҥ редакторжо Александр Абдуловлан ӱшаныме.
У вуйлатыше шке пашаштыже тӱҥ семын ушемыш самырык-влакым утларак кумылаҥдаш, кугыжаныш кучем дене пеҥгыдырак кылым ыштымым, тӱрлӧ грант проектлашке ушнымым палемден.
2009-ше ий гыч организацийым «Пенсионер» ден «Семейный газет» савыктышлан тӱҥ редакторышт Оксана Старикова вуйлатен. Тудо должностьшо гыч шке каяш кумылаҥын.