Лосев лӱмеш историко-художественный тоштерым Юрино посёлкышто капитально олмыктымо пашам шыжылан мучашлат. Тидын нерген тӱвыра министр министр Константин Ивановлан объектыш мийымыже годым ойленыт.
Объектыште тӱжвал пырдыжым олмыктымо, окна-влакым вашталтыме, пӧлем кӧргӧ-влаклан отделкым ыштыме, электроснабжений да волгалтарыше оборудованийым, кӱварым, пӧлемла кокласе пырдыжым алмаштыме. Тоштерым вӱд пуч системе, канализаций деке ушымо, пожар сигнализацийым вераҥдыме. Кызыт экспозиций зал-влакым тоштерым почмылан ямдылат.
Министр палемден: олмыктымо пашам чаплын шуктымылан кӧра, шукырак экспонатым ончыкташ йӧн лектеш. Константин Иванов тыгак Т.Евсеев лӱмеш калыкле тоштерым Юрино районысо коллегыштлан методик полышым пуаш йодын.