Йошкар-Ола аэропортышто пассажир терминалым умбакыже чоҥат. Тушто Республикысе транспорт да корно озанлык министр Александр Герасименко выездной совещанийым эртарен.
Объектыште зданийын каркасшым ыштыме. Подряд организаций фасадым монтироватла, леведышым чоҥа, кӧргӧ ырыктыме системым вераҥда, канализацийым, вӱдым ситарыме системым ышта. Иканаштак вокзал воктел площадьым да тушко мийыме корным тӱзландарат. Паша чаткан, график почеш кая, — палемдат Транспорт министерствыште.