Марий Элым вуйлатыше Юрий Зайцев республикын ончычсо президентше Вячеслав Кислицынлан тауштымашан серышым кучыктен. Вашлиймаш виктер пӧртыштӧ эртен.
Республик вуйлатыше лӱмгече дене салмален да регион верч ятыр ий тыршен ыштымыжлан тауштен ойлен. Поро мутым Вячеслав Александровичлан Марий Эл Кугыжаныш Погыным вуйлатыше Анатолий Смирнов каласен. Вячеслав Кислицын вашлиймашлан да поро шомаклан тауштен, Юрий Зайцевлан шке возымо книгажым пӧлеклен.