«Марий шыже» фестивальыште тӱнямбалне палыме пианистка лиеш. Яков Эшпай лӱмеш Марий Кугыжаныш филармоний йӱлаш савырныше «Марий шыже» сымыктыш фестивальлан ямдылалтеш.
Тудо 23-шо сентябрьыште Донецкысе Прокофьев лӱмеш «Сеҥалтдыме-влакын оркестрышт» академический симфонический оркестрын концертше дене почылтеш. Программыште тӱҥямбалне кумдан палыме пианистка Валентина Лисица шокта.
Фестиваль жапыште тыгак Мордовийысе мурымаш да куштымаш «Умарина» ансамбльын, Удмуртийысе «Айкай» фольклор мурымаш да куштымаш театрын, Инна Разумихина ден Борис Галкинын «Икте- весе вашеш» концертыштым ончаш лиеш. Марий шыже» фестиваль 18-ше ноябрьыште мучашлалтеш.