«Юлысо кугу корно» калыкле турист маршрут статусым налын. Тудо Татарстан, Чуваший да Марий Эл гоч шуйна. Российысе экономически вияҥмаш министерстве пеленысе эксперт совет тыгай статусым пуэн, — увертара ведомствын пресс-службыжо.
Теле жапыште маршрут дене путешествий кум кечым да кок йӱдым айла, кеҥежым — ныл кече да кум йӱдым. Ик эн оҥай чарналтышыже Юл эҥерыште «Метеор-2020» катер дене прогулка лиеш. Калыкле статусым пуымаш ешартыш оксам ойыраш йӧным пуа. Калыкле проект кышкарыште регион-влак маршрутым вияҥдаш грантым налын кертыт.
Маршрут кум регион гоч шуйна. Путешествий годым уна-влак Озаҥыш, Чебоксарыш, Йошкар-Олаш да Свияжск отро-олаш мият.