Федераций Советыште «Субъектын шагатшым» Марий Эл республикылан пӧлекленыт. Марий Эл республикын кечыже-влакын тӱҥ событийже семын «Субъектын шагатше» лийын. Тушто Республикын сеҥымашыже-влак дене палдарыме.
Федераций Советым вуйлатыше Валентина Матвиенко республикым вияҥдыме индивидуал программым шыҥдарымаште, транспорт инфраструктурым ыштымаште, казам ончен-куштымаште ончыкылыкым палемден да республикыште илыше-влакым калыкын икоян улмо кечыже да Республикын кечыже дене саламлен. Тыгак тудо Марий Элым СВО-н участникше-влаклан, Запорожье областьысе шефыш налме Куйбышев районлан полшымылан тауштен.
Республикым вуйлатыше Юрий Зайцев калыкын илышыжым саемдаш да экономикым вияҥдаш виктаралтше калыкле проектлам да кугыжаныш программылам шыҥдарыме нерген ойлен. Федераций Советын пунчал проектше темлымаш- влакым шотыш налын тӧрлалтеш да Россий парламентын Кӱшыл палатыжын черетан пленар заседанийыштыже ончымо лиеш.
«Марий Эл» ГТРК