Йошкар-Олаште мӱян ӱячан эн кугу порцийжым ямдылат. Шуматкечын 28-ше ноябрьыште, Коча ден кова-влакын кечынышт черетан кулинар рекордым ончыктат.
Ӱяча марий кочкышын ужашыже. Шере йӧр-варым ӱеш жаритлат, вара мӱеш шолтат. Тудым кугу пайрем годым пирамидке семын оптен ӱстембак шындат. Ышташ шонымо пирамидкыште лу тӱжем ӱяча лийшаш. Тудын кӱкшытшӧ ик метр утла, а диаметрже — ик метрат 60 сантиметр.
Тиде сеҥымашым рекордым регистрироватлыше «Достояние нации» Тӱнямбал реестрын еҥже- влак регистрироватлат. Рекордым фиксироватлаш лӱмын Москва гыч вӱдышӧ ресторан критик Олег Назаров толеш. Ӱяча дене Паша да социал министерствыш пурышо тӧнажлаште илыше пенсионер, инвалид, ветеран- влакым сийлат.