Йошкар-Олаште «Мунло» кубокым «Арде вел» команде сеҥен налын. Чавайн лӱмеш калыкле книгагудышто республике кӱкшытан «Мунло» интеллектуал марафон лийын. Тушто Параньга, Советский, Куженер, Звенигово, Килемар районла да сымыктышын калыкле гимназийже гыч кыдалаш да кугурак класслаште тунемше-влакын 11 командышт таҥасеныт.
Самырык эрудит- влак марий йылме да сылнымут, марий калыкын йӱлаже, Элысе да марий кундемысе лӱмлӧ еҥ-влак нерген шке шинчымашыштым ончыктеныт.
Иктешлымеке рашемын: марфонын кубокшо Килемар районысо «Арде вел» командылан логалын. Кокымшо верым кодшо ийын сеҥышыш лекше Куженер районысо Коҥганур школын «Чумбалыт» командыже налын. Кумшо верыш Параньга районысо Матародо школын «Волгенче» командыже лектын, палдара «Марий Эл» кугыжаныш теле да радиокомпаний.