Константин Иванов ончычсо «Родина» кинотеатрын зданийжым пужен ыштыме пашам аклен. Правительстве Председательын алмаштышыже — тӱвыра, печать да калык- влакын пашашт шотышто министр Константин Иванов Волжскыш паша дене мийымыже кышкарыште ончычсо кинотеатрым пужен ыштыме пашан кузе кайымыжым ончен.
Тушто йоча сымыктыш школ верлана. Объектыште паша «Тӱвыра» калыкле проект кышкарыште шуктат.
Йоча сымыктыш школлан кызыт тунемме ешартыш аудиторий- влак огыт сите. Уэмдыме зданийыште музыкальный школым вераҥдымеке туныкташ вер ситыдыме йодыш йӧршын кораҥдалтеш. Олмыктымо пашалан 218 миллион теҥгем ойырымо.
Проект почеш зданийыште хореографий зал- влак, посна занятийлан класс, хорлан, оркестрлан пӧлем- влак, учительсткий верланат. Пашам шушаш ийын ноябрьлан мучашлышаш улыт.