«Рувики» у интернет-энциклопедий Российысе калык-влакын йылмылашт дене раздел-влакым пашаш колта. Тидын тӱҥ шонымашыже — Российысе чыла еҥат икгай йӧн дене пайдаланен сеҥыже; тыгай площадке лийже, кушто кажнат шочмо йылмыж гоч шке шинчымашыжым палдарен да уверым налын кертше.
2023 ийыште «Рувикиште» Российысе калык-влакын йылмылашт дене раздел-влакым темаш командым чумырымо. Пел ий жапыште площадкын интерфейсше 20 йылмылан ышталтын: алтай, башкир, бурят, вепс, ингуш, калмык, коми, коми-пермяк, ливвик, марий, мокша, руш, саха, татар, тува, удмурт, хакас, чечен, чуваш, эрзя йылме-влаклан. Чумыр кугытшо 100 тӱжем наре увертарымаш гыч шога, нуным тӱрлӧ йылме коклаште иктӧр шеледыме.
2023 ий ноябрь мучаште тӱшкан пурен керташ вич раздел почылтын – тиде башкир, марий, саха, татар, чечен раздел-влак. Лишыл жапыште эше кудытыш: алтай, мокша, тува, удмурт, чуваш, эрзя — разделлаш пураш тӱҥалаш лиеш. Нине разделлаште энциклопедиян статья-влак чумыржо 1,1 миллион утла единицыш шуыт.
2024 ийыште эше, шагал гын, 10 йылме разделым почаш палемдыме.
«Россий Федераций – ик эн шуко калыкан эл. Российысе калык-влак пеш кугу культурым шочыктеныт да моткоч кугу лончан шинчымашым чумыреныт, цифран саманыште нуным арален кодаш да ешарен толаш — кӱлешан паша. «Рувикин» энциклопедийже тидым ышташ полшышаш. Тудлан кӧра тӱрлӧ йылме дене шинчымашым чумырыман гына огыл да нуно чыла кумылан-влаклан шочмо йылме дене лудаш йӧрышӧ гына лийшаш огытыл, но тыгак искусственный интеллект манме системым туныкташ кӱлышт, тыгодым тушто тӱрлӧ калыкын йылмылаштым да культур ойыртемыштым ончыктымо пашам саемден шогыман», — палемден «Рувики» Интернет-энциклопедийын генеральный директоржо Владимир Медейко.
«Йылме — тиде кӧргӧ чон поянлык. Материальный манме поянлык деч ойыртемже тыгай: тудым банк ячейкыште але вес вере аралымаште кучаш ок лий. Науко картотекылаште гына возен кодымо йылмылан шагал. Йылмым тыглай илышыште кумдан кучылтман, тунам гына тудо илаш да умбакыже вияҥаш тӱҥалеш. «Рувики» Интернет-энциклопедий мыланна ик тыгай йӧным – усталык площадке манмым — темла, кушто кажне еҥат шочмо йылмыж гоч шке шинчымашыжым кеч изиш да палдарен сеҥа», — манеш «Рувикин» Российысе калык-влакын йылмылашт дене разделлаште пашам виктарыме шотышто пӧлкан вуйлатышыже Рустам Гатауллин.
«Рувики» – у интернет-энциклопедий. Тиде проект дене Российыште 2023 ийыште эртыше интернет-форумышто палдарыме. Площадке эксперт ден тыглай пайдаланыше-влакым уша: кеч-кӧат «Рувикин» авторжо лийын сеҥа, но материал-влакын чын улмыштым профессионал-влак гына терген да пеҥгыдемден кертыт. Площадкын тӱҥ шергылыкше тыште: туддене пайдаланаш йӧнан, тудо чылаланат иктӧр почылтын, тудо нигӧн декат посна мелын ок шого да чын увер-влак дене гына палдарен шога. Тыглай илышыште кажне айдемат кеч-мо нергенат йоҥылыш дене тӱкныде пален шогынеже, ты шотышто проект кажне айдемын кажне кечысе илыш ужашыже лийшаш. Платформо эртакак уэмдалт шогаш палемдалтеш, тыгодым шочын шогышо у технологий-влак дене кылдалтше кумда йӧн, тыгак искусственный интеллект манме дене ваш кыл тыште эреак лийыт.