Республикысе йочасадыш коштшо икшыве-влак «Пеледше тукым» йоча усталык конкурсыш чумыргат. Таҥӱчашымаш 29 мартыште эрта, тышке районлаште сеҥышыш лекше йоча-влак республикысе таҥасымашыш ушнат, палдарат Республикысе марий тӱвыра рӱдерыште.
Районлаште конкурсым 12 март марте эртарат.
Конкурсым Республикысе марий тӱвыра рӱдер, Марий Элын тӱвыра, печать да калык-влакын пашашт шотышто министерстве, Марий Элын туныктымаш да шанче министерстве эртарат.
Республикысе «Пеледше тукым» йоча усталык конкурс кодшо курымын 90-ше ийлаштыже шочын. Тудым ондак Йошкар-Ола кӱкшытыштӧ эртареныт гын, тачысе кечылан, республикысе кӱкшытыштӧ эртарат. «Пеледше тукым» конкурс кок ийлан ик гана эрта да школлаште тунемше-влакын «Самырык тукым» усталык конкурсышт дене икте-весыштым алмаштат: ик ийын – ик таҥасымаш, вес ийын – весыже.