Кечывал марте Марий Элыште чылаже 58,43% калык Россий президентын сайлымаште йӱклен, палдарен регионысо сайлыме комиссийын секретарьже Ольга Крюкова.
Эн шукын Килемар округышто (80,7%) йӱкленыт. Кокымшо верыште – Юлсер район (78,51%). Кумшышто – Параньга район. Тушто 77,53% еҥ сайлымашке миен.
Йошкар-Олаште ты жаплан 49,82% калык сайлымашке толын.
Тений российысе президентым кум кече сайлат. Йӱклымаш 15 гыч 17 март марте эрта.