Республикысе курчак театрыште «Пеледше тукым» республикысе йоча усталык конкурс эртаралтын. Тудо Ешын идалыкшылан пӧлеклалтын.
Усталык таҥӱчашыш 12 муниципал район да Йошкар-Ола гыч 28 йочасад ушненыт. Йочасадын воспитанникше-влак «вокал» да «куштымаш» номинацийлаште шке усталыкыштым ончыктеныт.
Таҥӱчаш ончыктен: конкурсышто палемдыме темылан мурым возышо-влак шагал улыт. Марий композитор-влакын семыштлан возымо муро-влак йоҥгеныт. Южо мурыжым ныл-вич гана йоҥгалтарыме. Ӱшанена, ончыкшым семым возышо-влак йоча муро-влакым утларак сераш тӱҥалыт.
Палемдыман, «Пеледше тукым» конкурсым 1992 ий ий ончыч эртараш тӱҥалме. Ончыч ола кӱкшытыштӧ образований системыште тыршыше тӧнеж-влак йочасадлаште марий йылмым тунемме кӱкшытым аклыме семын эртареныт гын, Марий тӱвыра рӱдер почылтмо деч вара тиде кугу сомыл тӱвыра аланыш куснен. Тудо Самырык тукым» таҥӱчаш дене алмашталт кок ийлан ик гана эртаралтеш.