Марий Эл Республикын Мер-политик рӱдерыштыже 26 апрельыште Мер Каҥаш шошо сессийыш чумырга. Конференций 9 шагатлан тӱҥалеш.
Форумыш республикын районлаже да марий-влакын тӱшкан илыме кундемла гыч мер пашаеҥ-влак толыт.
Чумыргышо-влак еш, туныктыш, марий йылмым школышто туныктымо йодыш-влакым каҥашат.
Форум кышкарыште «Талешке сорта» акций эрта: погынышо-влак талешке-влакын чапкӱшт, шарныктыш оҥашт ончылан пеледышым пыштат. Тиде кечынак Мер Каҥашын пленумжо эрта.