Иван Степанович Ключников-Палантайын пӧрт-тоштерыштыже 23-шо гыч 27-ше апрель марте «Палантайын апрельже» тӱвыра акций лиеш. Тудо лӱмлӧ композиторын 138 ий теммылан пӧлеклалтеш.
Акцийын программыштыже «Шарнымаш кас» да чапкӱжӧ воктеке пеледыш аршашым пыштымаш, обзор да тематик экскурсий, тоштер программе, Палантай лӱмеш тӱвыра да сымыктыш колледжыште «Палантайын илыш да усталык корныжо» куснылшо баннер выствкыште экскурсий лийыт, паладара «Марий Эл» кугыжаныш телерадиокомпаний.