Марий Элыште илыше пагалыме еҥ-влак!
Марий Эл Республикын Кугыжаныш Погынжын лӱм дене саламлем тендам Пеледыш пайрем дене!
Тынысле пашам, унам вашлийын моштымым, тӱрлӧ национальностян еҥ-влакын келшымыштым ончыктышо тиде пайрем – ынде курым утла мемнан республикын илышыштыже ик эн волгыдо да вучымо событий. Тудо кажне ийын шке площадкылаштыже Марий Элыште илыше-влакым веле огыл, а Российын марий-влакын тӱшкан илыме моло регионжо да вес элла гыч ятыр унам чумыра.
Пеледыш пайремын марий калыкын тӱвыражым, йылмыжым да йӱлажым арален кодымаште, самырык тукымым шке изи родиным йӧраташ кумылаҥдымаште кӱлешлыкшым шотыш налын, 2022 ийыште республикысе парламентын депутатше-влак Закон почеш тудлан официальный статусым пуэныт.
Тек ты чапле пайрем умбакыжат тӱрлӧ национальностян еҥ-влакым икояным ышташ, тыныслыкым да келшымашым пеҥгыдемдаш полша. Чылалан пайрем деч волгыдо чоншижмашым да мондаш лийдыме шарнымашым тыланем. Пеҥгыде тазалыкым, улан илышым, шочмо Марий Элна верч да ик тӱшка пӧртна – Россий – верч тыршымаште у сеҥымашым тыланем.
Марий Эл Республикын Кугыжаныш Погынжын Председательже Анатолий Смирнов