Йошкар-Олаште кугу куат дене «Пеледыш пайремым» палемдыме, пайремышке 50 тӱжем утла уна ушнен. Рӱдӧ олашкына Российысе кандаш регион гыч делегаций толын.
Чумыргышо-влакым Марий Элым вуйлатыше Юрий Зайцев, Кугыжаныш Погыным вуйлатыше Анатолий Смирнов, Кугыжаныш Думын депутатше Сергей Казанков, Тӱҥ марий карт Александр Таныгин, Мер каҥашым вуйлатыше Эдуард Александров саламленыт.
Пайрем программым 50 усталык коллектив сӧрастарен. Йошкар-Ола мучко 20 утла площадке пашам ыштен.