Юлсер кундемысе Памар селаште калыкле проект почеш тӱвыра пӧртым олмыктеныт. Зданийым 1977-ше ийыште чоҥымо, «Тӱвыра» калыкле проектлан кӧра тудо кокымшо шӱлышым налын.
Марий Элым вуйлатыше Волжский районыш паша дене мийымыже годым тӱвыра тӧнежым капитально олмыктымо качествыжым аклен.
Виктер председательын алмаштышыже-тӱвыра, печать да калык-влакын пашашт шотышто министр Константин Иванов леведышым олмыктымо, 20 окнам вашталтыме нерген каласкален. Кабинетла ден хореографий классыште кӱварым вашталтыме, штукатуркым ыштыме, пырдыжым чиялтыме, тувырашым ачалыме. Тиддеч посна пурымо верым, тошкалтыш-влакым, сантехник пӧлемлам олмыктымо. Капитально олмыкташлан шым миллион утла теҥгем кучылтмо. Ончымо залыште 300 вер уло, куштымо класс, спорт зал, костюмерный-влак улыт. Чылаже ныл тӱжем наре еҥым обслуживатла.
Республикыште 2019-ше ий годсек калыкле проект почеш ялласе 15 тӱвыра рӱдерым олмыктымо. Тений идалык мучаш марте эше ныл тӱвыра пӧртым олмыктен шуктымо лиеш.