Т. Евсеев лӱмеш калыкле тоштерын маркетинг да ужалыме шотышто пӧлкажым вуйлатыше Ирина Якаевам Республикысе марий тӱвыра рӱдерын директоржын сомылжым жаплан шуктышылан шогалтыме. Тидын нерген Марий Эл Республикын тӱвыра, печать да калык-влакын пашашт шотышто министерствыштыже паладарат.
Ончысо вуйлатыше Василий Петров шке кумылын паша гыч каен. Тудо рӱдерым пел ий утларак вуйлатен.