Самырык-влакын Олык Ипай лӱмеш кугыжаныш премийлан 40 наре йодмаш пурен. Комиссий 15 сеҥышым ойырен налеш.
Тений сылнымут, сымыктыш, архитектура аланыште 18 йодмаш пурен, лу йодмаш шанче, технике да поизводство паша дене кылдалтын, 11 йодмаш социал кӱлешан да мер паша аланыште лийын.
Лауреат-влакым диплом да 40 тӱжем теҥге окса премий дене палемдат. Самырык- влакын кугыжаыш премийыштым ВЛКСМ марий обком 1968-ше ийыште Марий комсомолын Олык Ипай лӱмеш премийе семын пеҥгыдемден. Премийлан темлыме еҥ 18 ий деч изи огыл, 35 ий деч кугу лийшаш огыл.