С.Г.Чавайн лӱмеш калыкле книгагудо Марий Элын Тӱвыра, печать да калык-влакын пашашт шотышто министерствын полшымыж дене «Идалыкын книгаже» республикысе конкурсым эртара.
Сеҥыше-влакым 14 номинацийыште палемдаш тӱҥалыт:
- «Идалыкын эн сай книгаже» (тӱҥ премий);
- «Книган эн сай полиграфийже»;
- «Эн сайын оформитлыме книга»;
- «Марий йылме дене эн сай книга»;
- «Марий Эл Республик нерген эн сай книга»;
- «Эн сай шинчымаш да шанче савыктыш»;
- «Эн сай художественный прозо»;
- «Эн сай поэтический сборник»;
- «Йоча да самырык-влаклан эн сай книга»;
- «Шочмо кундем нерген эн сай книга»;
- «Марий Элын ойыртемалтше еҥже-влак нерген эн сай книга»;
- «Эн сай патриотик савыктыш»;
- «Лудшо-влакын симпатий призышт» (Марий Эл Республикын лудшо-влакын сообществыжын посна премийыже);
- «Библиотек дене кылым чолган кучымылан» (С.Г.Чавайн лӱмеш национальный библиотекын кумылаҥдыше дипломжо да премийже).
Конкурсыш йодмашым да савыктышым 21 ноябрь марте С.Г.Чавайн лӱмеш калыкле книгагудыш кондыман.