Марий Эл Виктерын заседанийыштыже республикым тений икымше пелийыште социально-экономически вияҥдыме пашам иктешленыт.
Регионысо экономикым вияҥдыме министр Владимир Халюзин палемден: нацпроект-влак почеш пашам шукташ 5 млрд теҥгем кучылтмо: «Инфраструктура для жизни» — 1,9 млрд теҥгем, «Молодёжь и дети» — 1,5 млрд теҥгем, «Семья» — 1,2 млрд теҥгем.
Промышленный производство тыгай отрасльлаште кугемын: машина ден оборудованийым олмыктымаште да погымаште (1,8 пачаш), резине да пластмассе арверым ыштен лукмаште (20,5 %-лан), электрон да оптический арверым ыштен лукмаште (10%-лан).
Инвестицийым шукемдаш, тыгак производствым кугемдаш да пашадарым шукырак тӱлаш республикым вияҥдыме индивидуальный программе шӱкалтышым ышта манын палемден Владимир Халюзин.
Марий Эл Республикысе Правительстве Председательын алмаштышыже — финанс министр Алексей Торощинын каласымыж почеш, регионын палемдыме жаплан консолидированный бюджетшын парышым кондышо ужашыже (федеральный оксам шотлымо дене пырля) 33,2 млрд теҥгеш шуэш. Социальный сферылан роскот кугурак: образованийлан — 32,7%, социальный политикылан — 27,6%, палдара «Кугарня» газет.