«Икымше марий грамматике гыч тӱҥалын цифровой технологий марте» шанче форум В.М.Васильев лӱмеш Йылмым, сылнымутым да историйым шымлыше марий институтышто 9 декабрьыште эрта. Форум марий грамматикым савыктымылан 250 ий теммылан да Марий тиште кечылан пӧлеклалтеш.
Выступлений-влакым икымше марий грамматикын кӱлешлыкше нерген доклад почеш. Вара колыштшо-влаклан марий книга лукмо пашам 100 ий жапыште вияҥдыме нерген доклад темлалтеш. Форум жапыште марий йылме корпусын у мутер-влакым ышташ вий-куатшым почын пуымо, йылмын лексический составшым эпитет-влак пример дене шымлыме, тыгак кок йылман интернет-энциклопедий нерген доклад-влак лийыт.